Pussanza e politica

L'emprima auzada da la chasa – ch'è l'auzada la pli pumpusa – sa fatschenta cun la contemplaziun «tradiziunala» da l'istorgia: eveniments, persunas singulas (per il solit masculinas), dretg, uffizis, instituziuns. Questa preschentaziun dat paisa ad annadas ed a la cronologia. Ella na po betg esser cumpletta, mabain tracta exempels ch'èn spezialmain expressivs. Ma i sa tracta adina da pussanza e da politica.

Ella tschenta la «dumonda da la pussanza»:
– tgi aveva e tgi ha la pussanza?
– co vegniva e co vegn exequida la pussanza?
– tge geners da pussanza datti?
– co percorschan ins pussanza?

Sut quest puntg da vista tractan ils singuls locals temas impurtants da l'istorgia grischuna:
– «Armadas e guerras»
– «Signurs e chastels»
– «Las Trais Lias e la terra subdita Vuclina»
– «La vart stgira da la giustia»

Sco constanzas da l'istorgia grischuna resortan l'interess da las pussanzas estras per ils pass sco er la cuntrada politica che consista da pitschens secturs. La chasa, en la quala nus ans chattain, è ina part da questa istorgia. La famiglia Buol appartegneva durant tschientaners a la signuria grischuna da las schlattainas dominantas.

Pussanza e politica: PDF 640KB

Chats e fatgs

Lavur e paun

Crair e savair