«Cheese!»
Fotografias d’umans dal Grischun
Co sa preschentan umans sin fotografias?
En tge posa als ha il fotograf arranschà en l’atelier? Èn las persunas pli luccas en l’album da famiglia privat? E co pon umens e dunnas far ina impressiun uschè coola sco pussaivel en l’epoca da la fotografia digitala? Ozendi paran chaussas privatas ed intimas da cuntanscher in public infinit en la rait.
Il museum retic ha rimnà fotografias veglias e novas dal Grischun che mussan umans. «Cheese!» na parta betg dals fotografs, mabain da la dumonda, co che las persunas fotografadas han preschentà sasezzas u èn vegnidas preschentadas. Questa idea originala avra puntgs da vista nunusitads e novs.
En 13 temas vegni mussà, co che umans tut normals sa preschentavan e sa preschentan, per exempel en connex cun «temp liber», «uffants», «rituals» u «simbols da status». Ultra da las posas intenziunadas u nunintenziunadas dals umans sa laschan scuvrir nundumbraivlas autras differenzas.
L’exposiziun vegn cumplettada cun ina camera obscura, en la quala ins po entrar.
Programm accumpagnant sin tudestg >
Charas magistras, chars magisters
Voss interess per l'exposiziun speziala «Cheese!» fotogragias d'umans dal Grischun ans fa grond plaschair. Ina visita cun Vossa classa vala in mintga cas la paina, saja quai en moda independenta u lura cun s'annunziar per ina guida accumpagnada da la pedagoga dal museum.
Sut “Museumspädagogik” pudais Vus telechargiar divers documents per rumantsch u per tudestg che As pon gidar tar Vossas preparaziuns.
N'emblidai betg d' annunziar Vossa visita en il Mueum retic, per che Vus possias as mover tras l'exposiziun senza memia gronds disturbis.
Visitas independentas: Tel: 081 257 48 40
Pedagogia da museum: formular d'annunzia
Documents per rumantsch >
Medientext Romanisch >
